29. júlí 2010Fréttir

Ályktun um Magma-málið:

Heimdallur, félag ungra sjálfstæðismanna í Reykjavík, hefur samþykkt ályktun um tilraunir ríkisstjórnarinnar til að koma í veg fyrir kaup Magma á hlut í HS Orku. Í ályktuninni er bent á að kaupin séu í samræmi við lög og reglur og að tilgangur ríkisstjórnarinnar virðist helst vera sá að halda ríkisstjórnarsamstarfinu saman. Sjónarmið um að það skipti máli hvort móðurfélagið sé frá Kanada eða aðildarríki Evrópusambandsins eru ómálefnaleg, enda engin rök að gera upp á milli fjárfesta eftir þjóðerni.

21. júlí 2010Fréttir

Umboðsmaður Alþingis skoði lögmæti hverfaskiptingar í framhaldsskóla

Heimdallur, félag ungra sjálfstæðismanna í Reykjavík, hefur óskað eftir því að Umboðsmaður Alþingis kanni lögmæti hverfaskiptingar í framhaldsskóla en samkvæmt nýjum reglum um innritun ber skólum að taka inn 45% nemenda af svonefndu heimasvæði skólans. Í þessu felst að möguleikar ungs fólks á að komast í þann skóla sem þau óska eru takmarkaðir og búseta látin ráða meiru en einkunnir.

17. júlí 2010Fréttir

Hannan á vel sóttum fundi Heimdallar: ESB hefur fjarlægst uppruna sinn

Daniel Hannan þingmaður Breta á Evrópuþinginu talaði á vel sóttum fundi Heimdallar um Evrópumálin í Háskólanum í Reykjavík á föstudaginn en um 80-90 manns mættu á fundinn. Hannan gagnrýndi sambandið og taldi það hafa færst frá upphaflegum tilgangi sínum en hvatti íslensku þjóðina til að gera út um málið í þjóðaratkvæðagreiðslu.

13. júlí 2010Fréttir

Evrópuþingmaðurinn Daniel Hannan á fundi Heimdallar

Daniel Hannan, þingmaður Breta á Evrópuþinginu, verður með erindi á hádegisfundi Heimdallar föstudaginn 16. júlí nk. í Antares-salnum í Háskólanum í Reykjavík. Fundurinn hefst kl. 12.15 og stendur til kl. 13.00. Allir eru velkomnir og hvattir til að mæta.

12. júlí 2010Pistill

„Magma – góðan dag...“

Sú stórfrétt var sögð í fjölmiðlum í vikunni að á heimilisfangi dótturfélags Magma í Gautaborg í Svíþjóð væri ekki opin skrifstofa fyrir gesti og gangandi. Landsþekktir bloggarar höfðu lagt land undir fót og mætt á staðinn og viti menn – enginn huggulegur kontór með móttöku og sænskum Séð og heyrt blöðum tók á móti þeim. Í ljós kom að fyrirtækið hafði bara aðsetur sitt þarna en enga eiginlega starfsemi eða skrifstofu.