12. júlí 2010Pistill

„Magma – góðan dag...“

Sú stórfrétt var sögð í fjölmiðlum í vikunni að á heimilisfangi dótturfélags Magma í Gautaborg í Svíþjóð væri ekki opin skrifstofa fyrir gesti og gangandi. Landsþekktir bloggarar höfðu lagt land undir fót og mætt á staðinn og viti menn – enginn huggulegur kontór með móttöku og sænskum Séð og heyrt blöðum tók á móti þeim. Í ljós kom að fyrirtækið hafði bara aðsetur sitt þarna en enga eiginlega starfsemi eða skrifstofu.

25. júní 2010Pistill

Látum ekki landsfundinn verða hálfvegis

Ég hef verið sjálfstæðismaður frá því að ég man eftir mér.  Ég man eftir því að setið í kjöltunni á afa mínum og hlustað á sögur af því hversu marga landsfundi hann hefði setið.  Verandi keppnismaðurinn sem ég er, var markið að sjálfsögðu sett á að sitja fleiri landsfundi en afi. Afi mætti samt alltaf á landsfundi af hugsjón, oftast nær var hann eini yfir þrítugu sem studdi frjálshyggjutillögur villinganna í Heimdalli - alveg fram á níræðisaldur. Eftir því sem ég hef mannast sé ég að það er ekki fjöldi landsfunda sem gerir menn að mönnum, heldur hver hefur hugsjón og hver er tilbúinn að berjast fyrir henni.  Það væri óskandi að fleiri landsfundarfulltrúar áttuðu sig á þessu.

15. júní 2010Pistill

Hver gætir gæslumannanna?

Oft á tíðum er umræðan um frjálsan markað frekar furðuleg. Einhvern veginn finnst mér vinstrimenn hafa mjög skrýtnar og jafnvel rangar hugmyndir um hvað hægrimenn meina raunverulega er þeir tala um frjálsan markað. Oftar en ekki skynja ég að vinstrimenn séu að klína einhvers konar stjórnleysi upp á hugmyndir hægrimanna um frjálsan markað, þar sem frumskógarlögmálin gilda og engar reglur eru í gildi. En þessi skoðun er á misskilningi byggð.

27. maí 2010Pistill

Djókið í borgarstjórn

„Þetta getur nú ekki orðið meira djók en síðustu fjögur árin í borgarstjórn!“ – er algengt viðkvæði þessa dagana af hálfu kjósenda til flokkanna. Og vissulega var margt furðulegt á boðstólum í borgarstjórn á því kjörtímabili sem er nú að líða. Mestu skiptir þó að eftir að núverandi forysta tók við hefur tekist að halda rekstri borgarinnar réttu megin við núllið án þess að hækka skatta eða fara út í mikla þjónustuskerðingu. Það eru hinar leiðinlegu en mikilvægu staðreyndir málsins.

05. maí 2010Pistill

Úr öskunni í eldinn

Ákveðið hefur verið að fara út í 700 milljóna króna markaðsátak út af erfiðleikum í ferðaþjónustu. Því miður mun það lítið gera, enda duga nokkrar auglýsingar ekki til að breyta áhrifunum sem 10 daga samfelldur fréttaflutningur í heimspressunni af eldgosi og slæmum flugsamgöngum hafði. Ein spurning vaknar þó í kjölfarið - fyrst samdráttur í ferðaþjónustu réttlætir 700 milljóna kynningarátak, hvers vegna var ekki talið að 1300 milljarða króna skuld vegna Icesave gæti réttlætt að verja fjármunum í að kynna málstað Íslands út á við?